Բլոգավերլուծություն...

Սկսեմ նրանից, որ կարդում եմ ու սիրում եմ տեսնել, թե ինչպես են մտածում ընկերներս, ծանոթներս կամ ուղղակի սեբաստացինները, իսկ հասկանալու համար, թե ինչպես են նրանք մտածում, ինձ օգնում են բլոգները: Կարդում եմ, վերցնում օրինակներ, հաճախ քննադատում, մեկ-մեկ էլ հիանում: Եվ հիմա ուզում եմ խոսել այն բլոգների մասին, որոնց հետևում եմ և կարդում եմ՝ անկախ հանգամանքներից: Ի դեպ, ցանկումս ոչ միայն իմ կողմից սիրված բլոգներն են, այլև՝ չսիրած:

1. Մարիամ Փաշինյան` http://mariampashinyan.wordpress.com/

Ամենախորհրդավոր բլոգ

Սիրում եմ իրեն էլ, իր նյութերն էլ: Մի տեսակ խորհրդավոր է գրում. մի քիչ խենթ ու անսահման անկեղծ ու հենց էդ անկեղծություն է, որ դուր է գալիս ինձ: Եվ կապ չունի, որ Մարիամն իմ մոտ ընկերուհին է, այս ցանկը ծանոթ- բարեկամ սկզբունքով չի կազմվել: Մարիամի գրածներից վերցնում եմ օրինակներ, իսկ ավելի հաճախ՝ քննադատում (կարծում եմ քննադատությունը կօգնի, որպեսզի էլ ավելի լավ աշխատի, չնայած՝  հիմա էլ շատ լավ է գրում) :

2.Վիկա Մարկոսյան` http://vikamarkosyan.wordpress.com/

Ամենատարօրինակ բլոգ

Վիկ~ա, հաճախ գրածներդ չեմ հասկանում. խառնեն, տարօրինակ, բայց բավականին խորը: Քեզ ավելի շատ նախանձում եմ, քան քննադատում կամ գովում: Անսխալ գրում ես ու գրածներդ էլ բոլորը կարդում են, ու դրանք մեծ հնչեղություն են ստանում: Քեզ նախանձում եմ: Սիրում եմ տարօրինակ նյութերդ, մտքերդ, խոհերդ ու ամեն ինչ:

3.Մերի Շարոյան ` http://marysharoyan.wordpress.com

Ամենահետաքրքիր դիզայներական լուծում ունեցող բլոգ

Չկրկնվող, սիրուն, նուրբ առանց ավելորդությունների: Դե նյութերի մասին էլ չասեմ. ասվել է ու դեռ կասվի՝ կարդալ է պետք:

4. Վիտալի Գրիգորյան ` http://armword.com

Եթե ինձ պետք է որևէ տեղեկություն, կամ ուղղակի ուզում եմ ժամանակս չվատնել և կարդալ ինչ-որ հետաքրքիր տեղեկություն, ապա այցելում եմ այս բլոգ: Բլոգը տեղեկատվական է:

5. Ավետիս Հարությունյան ` http://esaystexem.ru

Կիսաչսիրված բլոգ

Այս բլոգը բավականին հայտնի է, բայց ես այն համարում եմ մակերասային բլոգ. բլոգում հիմնական շեշտը դրված է դիզայնի վրա: Չնայած՝  չեմ կարող ժխտել նաև, որ մեկ -մեկ լինում են լավ նյութեր:

6. Նարե` http://naruk-paruk.livejournal.com/

Ամենաճստիկ-պստիկ բլոգ

Սիրում եմ կարդալ կրտսեր ընկերներս: Իսկ ավելի շատ այցելում եմ Նարեի բլոգ: Ամեն նյութի  մեջ մի տեսակ պայծառություն կա, ջերմություն: Անմիջականություն ու էլի անկեղծություն:

Ու, որպես վերջաբան,կանդրադառնամ իմ բլոգին, քանզի ոչ ոք չի անդրադարձել:

7. Լիա Մովսիսյան ` http://liamovsisyan.blogspot.com/

Ամենաքիչ նյութերով բլոգ

Վերջերս բլոգիցս ջնջեցի բոլոր նյութերն. այդ իսկ պատճառով հիմա բլոգումս նյութ չկա:Բայց ամեն դեպքում ես իմ բլոգը ներառում եմ այս ցանկի մեջ:

Հ.Գ. Ես եսասեր եմ

 Այսքանը...

                                                                                                                                 Լիա Մովսիսյան